Bregdeti i Vlores pa drita
22/07/2009 09:10
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Nje defekt i celesit te nenstacionit elektrik te Radhimes ka vene ne veshtiresi qe prej pese ditesh furnizimin me energji elektrike ne zonen e Orikumit, Dukatit deri ne zonen e Palases.
Prej ditesh, turistet qe kane zgjedhur fshatrat e kesaj zone per te pushuar, vuajne mungesen e dritave. Banoret dhe pronaret e hoteleve dhe restoranteve qe ngrihen ne kete vije bregdetare shprehen te shqetesuar se situata mund te frikesoje pushuesit dhe te beje qe ata te braktisin zonen.
“Energjia elektrike nderpritet here pas here, duke u rikthyer per pak minuta. Na u shkaterruan pajisjet, po na demtohen ushqimet, mishi si dhe prodhimet e detit, ndersa pushuesit dhe turistet ngelen te pakenaqur per shkak te vapes dhe erresires”, shprehet i shqetesuar njeri prej pronareve te hoteleve qe ngrihet ne kete zone.
Ne ndermarrjen elektrike te zones, punonjesit na sqarojne se situata jonormale e furnizimit me energji elektrike ka ardhur si pasoje e mungeses se nje celesi te rrjetit ne nenstacionin 10 kv te Radhimes. Sipas tyre, vetem dy muaj me pare, duke pare se rrjeti ekzistues i kesaj zone nuk arrinte te perballonte ngarkesen e madhe, u shtri nje rrjet tjeter energjie nga nenstacioni i Babices deri ne nenstacionin e Radhimes per te ndare furnizimin me energji per Orikumin me zonen tjeter.
Por mbasi u vu ne pune linja e re, ndodhi defekt ne celesin kryesor. Mbas verifikimit qe ju be kesaj pajisjeje, eshte pare se aparatura ka qene e vjeter, jo e re sic ishte parashikuar ne kontrate. Me pas firma qe kishte fituar tenderin per shtrimin e linjes dhe te vendosjes se pajisjeve eshte munduar te eliminoje defektin, por serish celesi nuk ka arritur te perballoje ngarkesen. Ne kete situate eshte pare e arsyeshme qe te rilidhet serish rrjeti i vjeter, i cili funksionon qe prej vitit 1967 dhe eshte plotesisht i amortizuar.
Nderkohe te kontaktuar me telefon, perfaqesues te TEC-it te Fierit, te cilet duhet te kene pergjegjesi per defektin ne linjen e re, shprehen se riparimi i defektit eshte pergjegjesi e ndermarrjes se shperndarjes se energjise elektrike. Ndersa keta te fundit thone se defekti ne rrjetin e ri 10 kv eshte pergjegjesi e atyre qe kane vendosur pajisjet dhe kane shtrire rrjetin.
Por ndersa faji si gjithmone mbetet jetim, pushuesit jane ata qe vuajne mungesen dhe perballen me erresiren dhe mungesen e kushteve minimale per te kaluar pushimet.
Top Channel
