Bajze, elektriciteti i debon nga shtepia

15/07/2009 12:15

Shkarkesat elektrike ne linjat e tensionit te larte qe lidhin Shqiperine me Malin e Zi kane vene ne alarm banoret qe jetojne ne zonen e Bajzes.

Banoret e lagjes Cutaj ne komunen Bajze cdo dite degjojne shperthimet e shkarkesave dhe flaket mbi catite e shtepive te tyre.

“Eshte nje fenomen shume i cuditshem, nje zhurme e madhe jep nje flake te cuditshme. Flaka i eshte afruar nje shtepie ne 5 te mengjesit”, tregon nje banor.

Shkak duket se jane pemet qe prekin linjat e interkonjeksionit, te cilat banoret ngurojne ti presin.

Pak dite me pare ne kete vend humbi jeten nje elektricist. Pjerrin Harusha, 54 vjec ka shkuar per te inspektuar problemin, por eshte goditur nga tensioni i larte.

“Linja ka probleme per shkak te pemeve dhe shkarkon. Kam merak per femijet e mije”, shprehet nje banore.

Dhjetra familje prej tre ditesh nuk shkojne dot ne shtepite e tyre. Ata thone se flene jashte ne pritje te nderhyrjes se ndermarrjeve qe kujdesen per kete linje.

Cdo dite ata degjojne gjemimet dhe shikojne flaket qe kane demtuar pemet dhe nxire muret e shtepive te tyre.

Nderkohe, ne vendin e ngjarjes ku ka mbetur i vdekur elektricisti ka mberritur dhe nje grup hetimor i cili po heton ne lidhje me rrethanat e ngjarjes.

Top Channel