Sherbimi i Proves, 80 kerkesa per lirim

Vetem ne javet e fundit, ne Gjykaten e Tiranes, me te madhen ne Shqiperi, jane regjistruar rreth 80 kerkesa per lirim me kusht, qendrim ne shtepi dhe ulje denimi. Por kane munguar kerkesat per pune te detyruar, çka e lejon legjislacioni i ri shqiptar.

Sipas faqes elektronike te Gjykates se Tiranes, pjesa me e madhe e te burgosurve kerkojne ulje denimi, duke vendosur edhe ngrirjen e pasurise se personit qe kerkon nje mase te tille.

“Per te siguruar kthimin e pasurise dhe shperblimin e demit, me kerkesen e paditesit civil, organi procedues mund te vendose sekuestrimin e pasurise se te pandehurit ose te te paditurit civil. Kjo mase qendron deri ne perfundimin e çeshtjes”, thuhet ne legjislacionin per kerkesat per ulje denimi.  

Kerkesat ne gjykate

Ne faqen elektronike te gjykates se kryeqytetit numerohen rreth 80 kerkesa, ku shumica e tyre kane filluar te shqyrtohen nga gjyqtaret. Pjesa me e madhe e kerkesave ka qene per ulje denimi.

Te gjithe kerkuesit duhet te permbushin disa kushte per ulje denimi. Ata duhet te sillen ne menyre shembullore ne burg, ndersa ne nje vit kalendarik kane te drejte te perfitojne deri ne tre muaj ulje denimi.

Drejtoria e Pergjithshme e Burgjeve dhe Sherbimi i Proves kane shperndare ne te gjitha institucionet e vuajtjes se denimit legjislacionin se kush perfiton dhe jo. Nje numer i larte personash kane kerkuar edhe lirim me kusht.

Sipas legjislacionit shqiptar, i denuari me burgim mund te lirohet para kohe me kusht nga vuajtja e denimit, vetem per arsye te veçanta, nese me sjelljen dhe punen e tij tregon se me denimin e vuajtur i eshte arritur qellimit per edukimin e tij, si dhe te kete vuajtur jo me pak se gjysmen e denimit te dhene per kundervajtje penale; jo me pak se dy te tretat e denimit te dhene per krime me masa denimi deri ne pese vjet burgim dhe jo me pak se tre te katertat e denimit te dhene per krime me masa denimi nga pese deri ne njezet e pese vjet burgim.

Sipas Kodit Penal, ne masen e denimit te vuajtur nuk llogaritet koha e perfituar me amnisti ose falje, ndersa nuk lejohet lirimi para kohe me kusht per te denuarin perserites per krime te kryera me dashje.

Lirimi para kohe me kusht revokohet nga gjykata, kur i denuari per nje veper penale te kryer me dashje, gjate kohes se kushtit, rikryen nje veper tjeter penale me dashje, po aq te rende ose me te rende se e para, duke u bazuar ne dispozitat per bashkimin e denimeve.

Ne faqen elektronike te Gjykates se Tiranes ka disa persona te ashtuquajtur VIP te cilet kane aplikuar per masa lehtesuese.

Ish-kreu i firmes piramidale “Kambo Marshall”, Ylli Kambo, i eshte drejtuar gjykates per te disaten here per ulje denimi. Kerkesa ndodhet ne duart e gjykates dhe ne javet ne vazhdim do t’i jepet nje vendim perfundimtar. Nje kerkese tjeter per lirim nga burgu eshte realizuar nga Aleksander Kuqo, i arrestuar ne Berat per disa krime te renda. Ai pretendon se “gjykata e vendit mund te vendose lirimin e te burgosurit kur vazhdimi i burgimit mund te rrezikoje jeten e tij”.  

Denimet lehtesuese

Nje mase tjeter lehtesuese e personave nen hetim, nen gjykim dhe te denuar, eshte edhe vendosja e mases se sigurise qendrim ne shtepi, ose me pune te detyruar, si edhe denimi i copezuar.

Ne rastin e fundit, ne Kodin Penal parashikohen te gjitha rastet kur i denuari mund te perfitoje. “Per denimet deri ne nje vit burgim, gjykata, kur veren rrethana te renda familjare, mjekesore, profesionale apo shoqerore, vendos qe denimi te ekzekutohet me copezime jo me te vogla se dy dite ne jave.Ne çdo rast, ekzekutimi i vendimit duhet te perfundoje brenda tri vjeteve”, thuhet ne Kodin Penal.

Ndersa pezullimi i ekzekutimit te vendimit me burgim realizohet “per shkak te rrezikshmerise se paket te personit dhe rrethanave te kryerjes se vepres penale, gjykata, ku jep denim me burgim deri ne pese vjet, mund te urdheroje qe i denuari te vihet ne prove duke u pezulluar ekzekutimi i denimit me kusht qe gjate kohes se proves te mos kryeje veper tjeter penale po aq te rende, apo me te rende”.

Afati i proves eshte tetembedhjete muaj deri ne pese vjet. Nderkohe, i denuari i vene ne prove duhet te ushtroje nje veprimtari profesionale ose te marre nje arsim apo formim profesional.

Ai duhet te paguaje rregullisht pensionet familjare, te riparoje demin civil te shkaktuar, te ndalohet te drejtoje automjete te caktuara, te mos frekuentoje lokale qe sherbejne pije alkoolike, te qendroje ne banesen e tij ne orare te caktuara, si dhe t’u nenshtrohet masave mjekesore kunder alkoolit dhe narkotikeve.  
 

Top Channel