Nje tjeter firme me fason ne fushen e konfeksioneve eshte mbyllur si pasoje e falimentit ne qytetin e Korçes. Nje nga firmat me fason “Gristal”, qe mbante te punesuara te pakten 86 gra, ka mbyllur dyert per punetoret.
Shkaku i mbylljes se kesaj fabrike ka qene renia e prodhimit. Sipas punetoreve te firmes ne fjale, prej nje jave eshte pezulluar puna ne repartin e rrobaqepesise nderkohe qe sipas tyre pagesa ne muajt e fundit nuk ka qene e rregullt, derisa eshte vendosur fillimisht shkurtimi i vendeve te punes dhe me tej ulja e prodhimit, deri ne mbylljen e fabrikes.
Por siç deklarojne punetoret, firma serish mbetet debitore per dy muaj pagese per punen e kryer ne periudhen e fundit. Sipas deklarimeve te punetoreve, ne dy muaj e fundit prodhimi dhe puna ne reparte ka qene ne renie, duke bere qe gjate kesaj periudhe punetoret e firmes te qendrojne me teper pa pune, derisa nga ana e firmes eshte vendosur mbyllja perfundimtare e fabrikes.
“Nuk na jane paguar dy paga mujore pa llogaritur ditet e festive dhe ato jashte orarit. Ne periudhen e fundit ka pasur probleme dhe pagat nuk jane marre ne kohe, megjithate nuk e kemi menduar se do te mbeteshim pa pune. Na eshte thene se ka rene prodhimi per shkak edhe te porosive se nuk ka pasur, pasi ne punojme me fason. Tani jemi pa pune dhe pasi nuk ka kane thene asgje ne rast se do dalim ne asistence apo jo pas falimentimit, i jemi drejtuar sindikates qe te beje nje marreveshje qe te na njihet asistenca”, thote nje nga punetoret.
Sipas kryetares se sindikatave te pavarura ne Korçe, Natasha Lubonja, pasojat e krizes kane çuar ne falimentimin e disa firmave, ndersa problemet kryesore mbeten mungesa e vendeve te punes per grate e larguara nga keto firma dhe nga ana tjeter, fakti se firmat nuk shpallin zyrtarisht falimentin duke u thene punetoreve se po bejne nje mbyllje te perkohshme te punes.
“Punetoret sorollaten per faktin se edhe ne kete rast si ne rastet e tjera te mbylljes se firmave keto nuk e shpallin falimentin ne menyre zyrtare dhe grate hidhen ne rruge, pa pune dhe pa pagese, duke mos perfituar as asistencen. Nuk eshte rasti i pare qe ndodh nje fenomen i tille. Per tete gra te kesaj firme, te cilat ishin punesuar aty pas mbylljes se nje tjeter biznesi me fason pak kohe me pare, eshte mundesuar marrja e asistences, nderkohe qe jane shume te tjera qe mbeten ne menyre te padrejte jashte skemes”, thote Lubonja.
Prane fabrikes se mbyllur, ku deri nje jave me pare prodhoheshin konfeksione, nuk paraqitet asnje person, nderkohe qe edhe pronaret nuk vijne me, duke humbur keshtu çdo kontakt. Zyrtarisht, prane deges se tatimeve mesohet se firma nuk eshte paraqitur per shpallje falimenti. Brenda ketij viti ne Korçe jane mbyllur tri firma me fason me pronare greke, duke lene pa pune te pakten 300 gra, nderkohe qe 130 kane fituar asistencen nga mbyllja e firmes se prodhimit te çantave dhe nje pjese nga nje tjeter firme konfeksionesh.
Vetem ne muajt e fundit kane mbyllur aktivitetin kater firma me fason, “Pagagin”, “Damson”, “Ballkan” dhe “Gristin”. Nderkohe, nga te dhenat zyrtare mesohet se ne vitet e fundit jane mbyllur nente firma, pjesa me e madhe e te cilave operonin ne fushen e konfeksioneve.
Tri firma te medha jane mbyllur per efekt te krizes energjetike, dy per shkak te terheqjes se porosive nga porositesit dhe kalimi e transferimi i punes ne shtete te tjera, ndersa kater prej tyre jane prekur nga kriza ekonomike. Ne qytetin e Korçes numri i grave te punesuara ne fabrikat me fason ka qene 3500, nderkohe qe ne vitet e fundit kjo shifer eshte reduktuar ndjeshem, duke shkurtuar rreth 1000.
Top Channel
