Kavaje, tre ne kerkim per plagosje

01/06/2009 08:25

Tre te rinj jane shpallur ne kerkim policor, pasi jane autoret e dyshuar te plagosjes se nje 24-vjeçari.

Nje sherr i momentit mes kater protagonisteve te ngjarjes ka degjeneruar ne nxjerrje armesh, duke goditur disa here mbi Don Vilen.

Burimet policore shpjeguan se ngjarja ka ndodhur ne Kavaje, ndersa tre autoret e shpallur ne kerkim jane nga Tirana. Sipas te dhenave hetimore, ngjarja ka ndodhur rreth ores 10:00 te se shtunes.

Pas nje debati, tre te rinjte, Mandi Shenedjela, 22 vjeç, Altin Yzeiri, 34 vjeç, dhe Isa Sulmina, 55 vjeç, kane nxjerre nje pistolete dhe kane goditur me tyten e saj 24-vjeçarin Don Vila. Me pas, ata jane larguar me nje mjet, qe mendohet se kane udhetuar drejt Tiranes, ndersa i demtuari ka njoftuar policine. Uniformat blu e kane ndihmuar per te shkuar ne spital dhe me pas e kane pyetur per rrethanat e ngjarjes.

Ai ka rrefyer sesi ka ndodhur, duke identifikuar edhe te dyshuarit. Ne keto kushte, sherbimet policore te Komisariatit te Kavajes kane derguar per ndjekje penale tre te dyshuarit, nderkaq ka nisur puna per gjetjen dhe kapjen e tyre.

Top Channel