“Tuneli” shtyn hapjen e fushates se Berishes

Nje dite pas vizites dhe inaugurimit te vepres se Kalimashit me 31 maj, kryeministri Sali Berisha do t’i drejtohet sheshit “Skenderbej” per te celur zyrtarisht fushaten elektorale. Zyrtarisht, ky eveniment hapet nje muaj perpara dates se zgjedhjeve, por vizita qe kryeministri Berisha, ministrat dhe nje pjese e kandidateve per deputete do te zhvillojne ne Kalimash ka spostuar mitingun e hapjes me 1 qershor, ora 19.00 ne sheshin “Skenderbej”.

Strukturat organizative te PD-se kane vendosur qe data e hapjes se fushates te mos jete as 28 dhe 29 maji, por 1 qershori. Ne kete mbledhje, eshte paracaktuar se cilat do te jene zonat ku kandidatet e Tiranes do te zhvillojne fushaten. Nese ne 2005-en, slogani “Me duar te pastra” dhe lufta nga korrupsionit dominoi nder premtimet e PD-se, kater vjet me pas, qeveria ‘Berisha’ dhe ekipi prej 140 kandidatesh qe garojne ne keto zgjedhje do t’i meshojne fort vepres historike, rruges “Durres-Kukes”.

Per organizimin e kesaj fushate, kreu i PD-se ka caktuar ministren dhe zedhenesen e fushates, Majlinda Bregu. Ekipi i demokrateve eshte duke punuar ngushte me kompanine amerikane “PSB”, e cila do te kujdeset per ditet ne vazhdim per imazhin e PD-se dhe 140 kandidateve te saj. Partia Demokratike edhe kete here nuk do ta tradhtoje sheshin “Skenderbej”, ku me parullen “Shqiperia po ndryshon”, PD dhe 17 aleatet e saj ne keto zgjedhje do te çelin zyrtarisht fushaten elektorale.

Top Channel