Sot kuvendi i PD, shpaloset programi ekonomik

23/05/2009 15:00

5 dite perpara hapjes zyrtare te fushates zgjedhore demokratet do te mblidhen ne mbremje per te shpallur programin elektoral, per nje mandat te dyte qeverises.

I konceptuar si nje kuvend programatik dhe jo zgjedhor, ky eveniment politik pritet te dominohet nga kryeministri Sali Berisha.

Prej disa ditesh zoti Berisha ka nderprere takimet e fushates paraelektorale per t’ju perkushtuar fjalimit qe do te mbaje sonte ne mbremje.

Nga ana tjeter burime zyrtare pohojne per Top Channel se demokratet po i kushtojne rendesi edhe skenografise se kuvendit te tyre kombetar.

Te njejtat burime thone se per skenografine ka ardhur ne Tirane regjisori i kongresit te Partise Popullore Europiane, i zhvilluar pak kohe me pare ne Varshave.

Por pertej ketij miqesimi te spektaklit me politiken, ajo qe pritet me interes eshte fjalimi programatik i kryeministrit Berisha, pjese e te cilit do te jene edhe mesazhet e qytetareve te derguara me telefon, pas nje mesazhi te Berishes derguar qytetareve kete jave.

Ne kete sms kryeministri kerkonte opinione nga qytetaret mbi prioritetet e qeverisjes per 4 vitet e ardhshme nese Partia Demokratike fiton zgjedhjet.

Top Channel