Familjaret e viktimave te Otrantos, bojkot me 28 qershor

21/05/2009 08:15

Familjaret e viktimave te tragjedise se Otrantos kane gjetur perseri nje arsye per te protestuar. Ata deklarojne se se bashku me rrethin e te afermve do te bojkotojne zgjedhjet e 28 qershorit.

Nje deklarate e tille eshte bere nga perfaqesuesja e familjareve te viktimave te Otrantos, Pushime Çala, e cila tha se “ky vendim eshte marre per shkak te neglizhences se qeverise shqiptare per kete çeshtje, duke e lene ne harrese per me shume se 12 vjet dhe vetem duke premtuar”.

Sipas Çales, jane kerkuar disa here takime me Kryeministrin Berisha, por vetem indiference kane marre si pergjigje, duke e quajtur kete çeshtje kapitull te mbyllur, ne nje kohe qe shumica e familjareve nuk kane marre demshperblimet.

Perfaqesuesja e familjareve shton se jo vetem do te kete nje bojkot te votimit, por se shpejti familjaret do te protestojne per te drejten e tyre. Çala shprehet se shume here jane genjyer nga politikanet, por se shpejti do te nisin protestat per te drejtat e tyre, te cilat nuk kane karakter politik, por e vetmja e drejte qe kerkojne eshte qe te marrin nje zgjidhje, pasi shteti qe duhet te mendonte per jetimet te cilet nuk kane ç’te hane, nenat shamizeza qe nuk kane asnje mbeshtetje, te pakten te marre iniciativen t’i ndihmoje.

Gjate deklarates nuk kane munguar edhe akuzat ndaj avokates Natasha Shehu, e cila akuzohet prej familjareve se ka pervetesuar nje shume te konsiderueshme te demshperblimit, per te cilin, sipas tyre, po zhvillohet nje gjyq nga shteti italian.

Top Channel