Zgjedhjet, politikanet ndalen tek te rinjte

09/05/2009 21:05

Kete fundjave, ne takimet e tyre paraelektorale, nje pjese e partive u ndalen tek te rinjte, duke sjelle secila qendrimin e saj per zgjidhjen e problemeve te tyre.

I pari ishte Ilir Meta, ne nje takim me te rinjte e Divjakes ne Pallatin e sportit te qytetit. “Eshte koha per veprim, sepse rinia kerkon mundesi me te mira per tú shkolluar. Eshte koha per veprim sepse sistemi yne arsimor duhet reformuar dhe duhet orientuar drejt tregut te punes”, ka pohuar Meta.

Shqetesimet e te rinjve i preku edhe Skender Gjinushi ne nje takim ne Shkoder. “Pse duhet ta votoje kete qeveri rinia, qe eshte me e goditura nga papunesia, nga gjendja e rende e papunesise dhe e reformimit ne arsim, reforme qe eshte e afte ta kryeje vetem Partia Social-Demokrate”, eshte shprehur Gjinushi.

Te deshtuara politikat qeverisese ndaj rinise i cilesoi edhe kryetari i Partise Socialiste te Vertete 91, Petro Koci, ne nje takim ne Tirane me nxenes dhe studente.

“Qeverisjet mund te quhen te deshuara per rinine pasi kane deshtuar politikat sociale. Ne kemi nje pakete te thjeshte me te cilen paraqitemi ne kete fushate, qe synon nje sistem politik perfshires. Pika dyte e programit eshte arsimimi profesional”, ka deklaruar Koci.

Top Channel