Ushtaret me pagese kundershtojne policine

Dy ushtare profesioniste jane bere objekt konflikti me punonjesit e policise se Qytetit Studenti, nderkohe qe jane derguar per ndjekje penale.

Ngjarja ka ndodhur ne qender te Qytetit Studenti, kur nje punonjes policie ka kontaktuar me ta per arsye verifikimi dokumentesh.

Burimet policore te kryeqytetit bene te ditur se ata jane shoqeruar per te dokumentuar plotesisht kete veper penale. Ndersa gjate dites se djeshme, uniformat blu shpjeguan se jane derguar per ndjekje penale ne gjendje te lire shtetasit Kreshnik E. dhe Denis Ç., 23 e 21 vjeç, banues ne Tirane, me arsim 12 klase. Te dy keta persona jane me profesion ushtare me pagese dhe ky profesion ndoshta u ka krijuar idene se mund te mos i pergjigjen policise.

Sipas te dhenave zyrtare, ne oren 22.00 te se martes, ne Qytetin Studenti, per shkak te detyres kane fyer dhe kanosur punonjesit e policise. Keta te fundit kishin kerkuar dokumentet e dy ushtareve te rinj, por ata nuk kane pranuar. Me pas, dialogu ka degjeneruar ne nje debat te ashper dhe punonjesit e policise kane kerkuar ndihme nga koleget, duke bere shoqerimin e dy ushtareve.

Ata jane marre ne pyetje ne lidhje me ngjarjen dhe me pas jane lene te lire. Shpeshhere eshte informuar se persona te ndryshem ushtrojne dhune ndaj punonjesve te policise, teksa ata kryejne detyrat e tyre. Ne disa raste, dhuna ka qene me e kufizuar, por kundershtimet ndaj tyre jane te shumta. Sipas burimeve te policise, ky fenomen shqetesues eshte sidomos tek efektivet e policise se qarkullimit rrugor, ose te patrulla e pergjithshme.

Burimet policore shpjegojne se sidomos punonjes ushtarake i kundershtojne dhunshem punonjesit e policise. Sipas te dhenave, ka pasur shume raste kur ata deklarojne se jane te barabarte me punonjesit e policise, duke treguar se edhe mbajne arme me vete, e nuk kane pranuar te respektojne detyrimet e diktuara nga punonjesit e policise, ashtu siç i kerkon ligji.

Top Channel