Topi takon Obamen
03/04/2009 23:15
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Me darken zyrtare te kryetareve te shteteve ka nisur zyrtarisht samiti i NATO-s. Ne darke, Shqiperia eshte perfaqesuar nga presidenti i Republikes, Bamir Topi qe ka mberritur i shoqeruar nga zonja e pare Teuta Topi.
Pas shtrengimit te duarve dhe fotos zyrtare me kancelaren Merkel dhe presidentin Sarkozi, Topi ka patur nje takim me presidentin e SHBA-se, Barak Obama ku ka falenderuar Shtetet e Bashkuara per mbeshtetjen dhe ndihmesen qe ka dhene per Shqiperine, ndersa ka marre urimet e presidentit Obama per anetaresimin ne NATO.
Gjate fjales ne darke si personaliteti me i larte i delegacionit shqiptar, presidenti ka falenderuar te gjitha shtetet per mbeshtetjen qe i dhane Shqiperise dhe shqiptareve ne kete tranzicion te veshtire.
“Ne – tha Topi – nuk do mundnim kurre te arrinim ketu sot ne se nuk do te ndjenim ne hapat tona ndihmen, keshillen dhe miqesine tuaj”.
Presidenti eshte shprehur se, “ne provuam nepermjet “Kartes A-3” dhe SHBA-se se jemi serioze dhe dime te punojme se bashku”.
Presidenti e ka konsideruar kete anetaresim si nje ndihme per zhvillimin e demokracise se brendshme dhe reformat politike, ushtarake dhe ekonomike ne Shqiperi.
Per presidentin, “prova e pare do te jete zhvillimi sipas standardeve te zgjedhjeve te ardhshme politike te qershorit 2009”.
Ai e ka konsideruar pranine e NATO-s ne Shqiperi edhe si nje instrument per te garantuar nje Kosove shume-etnike per te konsoliduar stabilitetin dhe sigurine e vendit dhe per te ndihmuar me pervoje forcen e sapokrijuar te sigurise se Kosoves.
Top Channel
