Topi, pritje madheshtore ne Permet

Presidenti shoqerohej nga deputetet e zones, prefekti i Gjirokastres, perfaqesues te OSBE-se dhe te ambasades italiane dhe biznesmene me origjine permetare.

Dalja e tere qytetit ne shesh, zuri ne befasi organizatoret e takimit. Mungesa e nje fonie te pershtatshme, pengoi presidentin t’u drejtohej njerezve per t’i falenderuar.

Takimet vijuan, sipas protokollit, fillimisht ne zyren e kryetarit te bashkise dhe me pas ne sallen e keshillit bashkiak, me nje bisede mes kreut te shtetit dhe te pranishmeve.

Qytet i vogel ne juglindje te vendit, Permeti ka qene gjithmone i njohur per vreshtarine dhe prodhimet shtazore. Sot ai perballet me sfiden e ruajtjes se tradites.

Nje kantine ne Permet prodhon vere te kuqe, te bardhe, roze dhe raki, te tera me stampen: “Prodhuar ne Permet”. Me nje kantine te vogel deri perpara nje viti, pronari i saj, Ladi, ia ka arritur te futet ne tregun e kryeqytetit, ku shiten mire edhe vererat e importit.

Ne perspektiven e afrimit te Shqiperise me Bashkimin Evropian, produktet bujqesore shqiptare do te duhet te perballen me konkurencen e tregut te perbashket.

Njohes i mire i ceshtjes, presidenti tha se mungesa e nje industrie te rende dhe perdorimi shume i paket i pesticideve, bejne qe zinxhiri ushqimor ne Shqiperi te jete i paster.

Por presidenti vuri theksin te cilesia e kontrollit te sigurise ushqimore, qe duhet bere, sipas tij, jo vetem nga laboratoret rajonale, sipas nje qendre reference, por edhe nga laboratoret e autokontrollit, pra nga secili prej prodhuesve.

“Me te marre statusin e kandidatit te BE-se do te shtohen kerkesat dhe kjo do te thote se prodhuesit do te synojne ne dy linja ate te prodhimit dhe ate te kualitetit… Prodhimet tona jane me te mirat e rajonit”, eshte shprehur Topi.

Top Channel