Devijimi i projektit te BB-se ne Jale

02/02/2009 23:20

Dyshimet se projekti i Bankes Boterore per menaxhimin e bregdetit jugor te Shqiperise eshte perdorur per interesa te ngushta pritet te marrin te tjera permasa pas publikimit te nje raporti investigimi te autorizuar nga vete Banka Boterore posacerisht per kete ceshtje.

Top Channel ka mundur te shtjere ne dore raportin voluminoz te pergatitur nga nje njesi e specializuar investigimi ne Banken Boterore te quajtur “Paneli i inspektimit”.

Ky hetim, i pari ne keto 18 vjet qe Banka Boterore financon projekte ne Shqiperi, hedh dyshime te forta mbi menyren se si eshte zbatuar projekti i menaxhimit te bregdetit nga stafi shqiptar qe ka menaxhuar projektin.

Gjithcka ka filluar dy vjet me pare kur ne zonen bregdetare te Jales nisi shembja e disa shtepive, te cilat fillimisht jane paraqitur si ndertime pa leje, nga njesia e kordinimit te projektit ne Shqiperi, drejtor i se ciles eshte Jamarber Malltezi, dhendri i kryeministrit Berisha.

Fillimisht prishja e ndertimeve u raportua nga stafi i menaxhimit te projektit si e palidhur me vete projektin e Bankes Boterore.

Por raporti shkruan:

“Paneli i investigimit ka zbuluar nje lidhje te forte mes prishjes se shtepive dhe projektit per menaxhimin e bregdetit jugor te Shqiperise. Ne 2007 njesia e kordinimit te projektit u ka derguar nje leter te gjitha autoriteteve me te larta te vendit, perfshire dhe policine e ndertimit. Ne leter shkruhet: Sic e shihni ne Jale vazhdojne ndertimet pa leje. Duke patur parasysh rendesine e zhvillimit te kesaj zone ju lutem qe te merrni masat e duhura sa me shpejte te jete e mundur. Eshte e rendesishme te theksohet se letra eshte firmosur nga drejtori i njesise se kordinimit te projektit. Duhet theksuar gjithashtu se drejtori i njesise se kordinimit te projektit eshte nje person mjaft i njohur ne qarqet administrative shqiptare. Shpesh here ne shtypin vendas ai nuk perkufizohet vetem si drejtori i njesise se kordinimit, por edhe si njeri nga anetaret e familjes te nje prej zyrtareve me te larte ne vend”.

Raporti perdor tone te forta dhe hedh dyshime te tjera kur citon se:

“Gjate intervistave te bera, Paneli ka ndeshur edhe ne lidhje korruptive nga njerezit e intervistuar ne Shqiperi, te cilat jane konsistente me raportet e lajmeve te permendura me siper se disa njerez po e perdorin projektin dhe burimet e tij per te pastruar zonen perreth Jales per nje resort turistik. Ndersa raporti vetem sa indormon, por nuk vlereson lidhjet korruptive, natyra selektive e perdorur per te prishur ndertimet nga policia e ndertimit duket se mbeshtet idene per te pastruar nje zone te caktuar”.

Ne nje njoftim zyrtar te bere ne daten 2 shkurt zyra e Bankes Boterore informon:

“Banka Boterore shqetesohet per gabimet e bera ne kuader te ketij projekti nga Grupi i Menaxhereve te Bankes Boterore dhe stafi. Ne perputhje me procedurat e brendshme, Banka eshte duke shqyrtuar veprimet e stafit te vet dhe nese do te jete e nevojshme do te marre masat e duhura”.

Per kete ceshtje bordi i drejtoreve te Bankes Boterore do te jape nje vendim perfundimtar ne daten 17 shkurt dhe disa burime jo zyrtare thone se banka mund te marre ne konsiderate edhe nderprerjen e kredise per kete projekt, i cili sic nenvizohet edhe nga raporti mbeshtillet nga dyshime te forta per abuzime.

Top Channel