Ministria e Shendetesise largon nga detyra mjekun neurolog te spitalit te Pogradecit, Llazi Binishi, i cili per firmosjen e nje raporti per Kemp mori 15 000 leke.
Lajmin e konfirmoi drejtori i spitalit te Pogradecit, Artan Pilinci. Menjehere pas transmetimit te pamjeve ne “Fiks Fare”, ku mjeku Binishi dhe infermieri i tij merrnin leke per te perpiluar dhe firmosur nje raport per KEMP, per nje femije tetraplegjik 13 vjecar, drejtori i spitalit te Pogradecit ka leshuar urdherin e pezullimit nga detyra te ketyre dy punonjesve per shkelje te ligjit dhe te betimit te Hipokratit.
Nga ana tjeter, Urdhri i Mjekeve te Shqiperise ka filluar hetimin per veprimet e neurologut Llazi Binishi dhe infermierit te tij.
Dy dite me pare “Fiks Fare” denoncoi veprimet e mjekut Llazi Binishi, i cili firmosi raportin per nje femije 13 vjeçar nga fshati Senisht i Mokres kundrejt pageses nen dore. Babai i femijes denoncoi veprimet e mjekut, qe sipas tij, nuk ia firmoste fleten e drejtimit per Kemp pa i dhene leket. Kete pagese ai e bente çdo vit tek ky mjek, sa here qe i firmoste kete dokument.
Prokuroria e Pogradecit ka nisur hetimet per mitmarrje ndaj mjekut neuropsikiater Llazi Binishi, si dhe infermierit Eshref Krasta. Burime te prokurorise thane se do te shqyrtojne dhe marrin nen hetim jo vetem kete rast, por edhe nese ka patur abuzime te tjera nga ana e dy personave me pacientet qe i drejtohen spitalit publik.
Top Channel
