Gjate samitit arab ne Kuvait, presidenti palestinez Mahmud Abaz e ka vene theksin tek domosdoshmeria urgjente per krijimin e nje qeverie te unitetit kombetar.
Sipas tij, ekzekutivi duhet t’i hape rruge zgjedhjeve presidenciale dhe atyre parlamentare ne te njejten kohe.
“Duhet nje qeveri e unitetit kombetar qe te nise eleminimin e bllokazheve, rihapjen e kalimeve dhe pergatitjen e zgjedhjeve presidenciale e legjislative ne te njejten kohe”, ka pohuar Abaz.
Propozimi i tij eshte mbeshtetur nga sekretari i pergjithshem i Kombeve te Bashkuara, Ban Ki Moon.
Nderkohe, gjate samitit mbreti Abdullah bin Abdelaziz ka njoftuar se Arabia Saudite do te dhuroje nje miliard dollare per rindertimin e Rripit te Gazes.
“Mbreteria jone do te ofroje nje miliard si kontribut per programin e propozuar nga ky samit per rindertimin e Gazes”, ka deklaruar mbreti.
Per te diskutuar pikerisht mbi situaten ne Gaza, ministrja e Jashtme izraelite, Tzipi Livni do te jete te merkuren ne Bruksel.
Sic ben te ditur presidenca ceke e BE, perfaqesuesit e 27 vendeve dhe shefja e diplomacise izraelite do te diskutojne ne nje darke pune.
Nderkohe, sipas nje burimi te qeverise izraelite, sekretari i pergjithshem i OKB-se, Ban Ki Moon do te jete neser ne Gaza per te vizituar zyrat e Kombeve te Bashkuara si dhe qytetin izraelit te Sderotit.
Top Channel