Liberalizimi i vizave, sot ne BE raporti i qeverise

14/01/2009 08:00

Qeveria shqiptare do te dorezoje sot ne Keshillin e Ministrave te Bashkimit Evropian, raportin e zbatimit te detyrimeve ne lidhje me liberalizimin e vizave.

Ky veprim perben nje akt formal ne lidhje me hapat e integrimit, por qe qeveria e vlereson si pozitiv, ndersa opozita thote te kunderten. Raporti qe dorezohet sot paraqet progresin ne marredheniet me BE-ne per
te mundesuar heqjen e vizave per qytetaret shqiptare.

Zyrtare te larte thone se Shqiperia ka plotesuar kushtet e vendosura nga BE, por opozita shprehet kritike dhe
skeptike nese ky proces do te ndodhe se shpejti. Raporti eshte hapi i dyte qe qeveria shqiptare hedh ne kuadrin e permbushjes se detyrimeve qe rrjedhin nga bashkepunimi me BE-ne per heqjen e vizave.

Ne muajin shtator te vitit te kaluar, Shqiperia se bashku me disa vende te tjera te Evropes Juglindore paraqiten raportet e tyre. Pas shqyrtimit, Keshilli i Ministrave te BE-se, pritet te percaktoje rrjedhen e procesit te heqjes se vizave per qytetaret shqiptare.

Lehtesimi dhe me pas heqja e vizave per qytetaret shqiptare qe duan te levizin ne hapesiren e vendeve evropiane, ka qene nje nga premtimet e qeverise se djathte te kryeministrit Berisha gjate fushates per zgjedhjet parlamentare te vitit 2005.

Top Channel