Dynden tifozët e Milanit, “luftë” për abonimet
31/07/2017 00:00
Ish-mesfushori i Juves dhe Barçës tërhiqet nga kombëtarja 04/05 23:15
Thirrjes së klubit për të mbushur shkallët e stadiumit në çdo ndeshje të sezonit të ri, tifozët e Milanit iu përgjigjën me një fluks të madh kërkesash në selinë e kuqezinjve dhe në portalin zyrtar.
Entuziazmi dhe adrenalina e grupimeve të mbështetësve favorizuar nga merkatoja e fuqishme e pronarëve kinezë po reflektohet edhe në kërkesën për të patur një vend fiks të paktën në ndeshjet e skuadrës në “San Siro”.
Radha në selinë e klubit kuqezi dëshmonte dëshirën madhe për të parë në fushë pas një muaji Bonuccin dhe blerjet e reja. Ata tifozët të Milan që zgjodhën rrugën online për një abonim sezonal, nuk e patën më të lehtë pasi kishte probleme edhe në rrjet.
Ndërkohë vazhdon të shtohet numri i biletave të shitura për kthimin e ndeshjes Milan-Kraiova të vlefshme për raundin e tretë të Europa League.
Të paktën 56 mijë të pranishëm do të jenë në impiantin “San Siro”, një e dhënë impresionuese duke konsideruar mesin e verës dhe rëndësinë e vogël të takimit për kuqezinjtë e trajnerit Montella.
Top Channel
