Duka konfirmon: Jo më tolerime ndaj gabimeve në arbitrim
27/04/2017 00:00
“Ky është momenti i Vinicius”, Ancelotti thur elozhe për brazilianin: Mund të fitojë Topin e Artë, i mungon vetëm … 10/05 14:39
Federata Shqiptare e Futbollit vijon fushatën promovuese për Akademinë e Arbitritmit. Ndalesa e radhës e këtij turi ishte Universiteti “Luigj Gurakuqi” në Shkodëer, ku presidenti i FSHF-së, Armand Duka konfirmoi edhe njëherë se nuk do të tolerohen më gabimet e arbitrave.
“Arbitrat janë dhe do të jenë gjithnjë në qendër të vëmendjes, sepse janë ata që gjykojnë rastet në fushën e lojës. E keqja është se, nga gabimet njerëzore, shpesh është kaluar tek ato me dashje. Nuk do të lejojmë që kjo lojë të prishet”, tha Armand Duka, presidenti i FSHF-së.
Kreu i qeverisë së futbollit në vend foli edhe për kërkesën e bërë nga klubi i Partizanit, që ndeshjen me Kukësin ta gjykojë një arbitër i huaj.
“Nuk është mirë që të bëhet kërkesë për arbitrimin. Ndonjëherë janë caktuar arbitra të huaj dhe kjo është bërë për të shuar polemikat. Gjithsesi, nuk e di nëse sfida Kukësi-Partizani do të gjykohet nga një arbitër i huaj apo shqiptar. Shpresoj që deri në fund në kampionatin tonë të ketë ‘Fair Play’”, tha Armand Duka.
Top Channel
