Turqi, mbytet anija ruse pas përplasjes në brigjet turke
27/04/2017 00:00
Dokumentari i “RAI 3”, gazetarët italianë grevë kundër qeverisë: Na ndërhyjnë në punë! Sindikatat të përçara: Është politike 26/04 12:07
Një anije spiune ruse u mbyt pranë bregdetit turk, pas përplasjes me një anije mallrash. Autoritetet turke njoftuan se 78 pjesëtarët e ekuipazhit të anijes “Liman”, pjesë e flotës në Detin e Zi, u shpëtuan.
Shkaku i aksidentit nuk është ende i qartë, por siç mësohet, zona ishte përfshirë nga mjegulla.
Incidenti ndodhi 29 km larg qytezës së Kilyos në Detin e Zi. Anija e mallrave që transportonte bagëti e që mbante flamurin e Togos ka pësuar dëme të vogla.
Kryeministri turk, Binali Yildirim telefonoi homologun e tij, Dmitry Medvedev, për t’i shprehur hidhërimin për ngjarjen, sipas burimeve të cituara nga agjencia e lajmeve “Reuters”.
Flota ruse në Detin e Zi kalon përmes ngushticës së Bosforit për dërgesa në Mesdhe, kryesisht në Siri. E ndërtuar në Gdansk të Polonisë, “Liman” u prezantua në vitin 1970 dhe, para se t’i bashkohej flotës në Detin e Zi ishte pjesë e flotës veriore të ish-Bashkimit Sovjetik.
Top Channel
