Java e modës në Brazil

Duke qenë se flitet për rreth një milion dollarë shpenzime më pak, nuk është çudi që emra si Ronaldo Fraga dhe Reinaldo Lourenco kanë zgjedhur të tërhiqen, duke i shtyrë organizatorët të fokusohen më shumë te stilistët e hyre rishtazi në botën e modës.

“Në 22 vitet që zhvillohet java e modës në Sao Paulo, kjo është e pesta krizë e fortë ekonomike për Brazilin, e padyshim është edhe më e rënda. Por besoj se kësaj situate po i vjen fundi. Ne jemi këtu për të qëndruar e për të prezantuar koleksionet e reja dhe për t’iu përshtuar modeleve të reja të biznesit, sepse moda po ndryshon në të gjithë botën”, tha Paulo Borges, organizator.

Trendi i fundit i promovuar në pasarela është “E shoh, e blej tani”. Kjo frymëzoi edhe firmën braziliane “Ellus”, e cila solli veshje “casual”, të gatshme për shitje në faqen e saj të internetit, menjëherë pas prezantimit.

Për gazetaren Gloria Calil, moda braziliane po i përshtatet tendencave të biznesit modern.

“Ekziston një prirje në rritje për të lëvizur drejt produkteve që kanë më shumë në fokus konsumatorin e shpejtë, dhe shprehja e përdorur për këtë është ‘E shoh, e blej’. Kjo po ndodh edhe këtu: çdo gjë që shihni në pasarelë do të dalë menjëherë në shitje për një ditë ose dy”, tha Gloria Calil, gazetare.

Firma tjetër që ekspozoi krijimet e saj në çeljen e shfaqjes ishte “Lolitta”, e cila i pasuroi elementet e përditshmërisë me prekjen e një stili femëror.

Top Channel