Zbulohen pagat e pilotëve të Formulës 1

14/02/2017 00:00

Edhe pse rezultatet në pistë nuk i ka pasur të mira, Fernando Alonso vazhdon të jetë piloti më i paguar në Formulën 1.

Sipas revistës “The Drive”, spanjolli i McLaren kryeson renditjen e më të paguarve me rreth 38 milionë euro në vit, përfshi bonuset. Vetëm Lewis Hamilton (Mercedes) dhe Sebastian Vettel (Ferrari) i afrohen Alonsos në këtë klasifikim.

Të tjerët mbeten shumë pas “treshes së mrekullueshme”. Për shembull, te Mercedesi, Bottas do të marrë më pak se 1/3 e pagës së Hamiltonit, ndërsa Max Verstappen do të paguhet sa 1/10 e Alonsos.

Interesant trajtimi që u bën Toro Rosso pilotëve: si Carlos Sainz, ashtu edhe Daniil Kvyat paguhen njësoj.

Ja lista e plotë me pagat e pilotëve të Formulës 1:

Fernando Alonso (McLaren): 37,7 milionë euro (përfshirë bonuset)

Lewis Hamilton (Mercedes): 29,2 milionë euro (pa përfshirë bonuset)

Sebastian Vettel (Ferrari): 28,3 milionë euro (pa përfshirë bonuset)

Valtteri Bottas (Mercedes): 8 milionë euro (përfshirë bonuset)

Kimi Raikkonen (Ferrari): 6,6 milionë euro (pa përfshirë bonuset)

Daniel Ricciardo (Red Bull): 6,1 milionë euro (pa përfshirë bonuset)

Felipe Massa (Williams): 4,7 milionë euro

Nico Hulkenberg (Renault): 2,8 milionë euro

Max Verstappen (Red Bull): 2,8 milionë euro (pa përfshirë bonuset)

Checo Perez (Force India): 2,3 milionë euro