Rriten pagat për 11 mijë policë
12/10/2016 00:00
Tensione para bashkisë, protestuesit rrëzojnë barrierën metalike dhe tentojnë të futen në godinë
26/04 12:41
Nga 1 janari 2017 pagat e mbi 11 mijë punonjësve të Policisë, do të rriten me rreth 17 përqind, ose e thënë ndryshe rreth 10 mijë lekë.
“Paga e inspektorit në vitin 2017 bëhet 69 mijë lekë, pra krahasuar me vitin 2013, rritet 45 përqind. Rritja e pagës për të dytën herë brenda 3 vitesh, është investimi më i mirë Qeverisë për të mbështetur punonjësit e Policisë së Shtetit”, deklaroi ministri i Brendshëm, Saimir Tahiri.
Ndonëse theksoi se për rritjen e pagave dhe pensioneve Qeveria nuk ka dakordësinë e Fondit Monetar Ndërkombëtar, kryeministri Rama shprehu mbështetjen për unifomat blu.
Në aktivitetin ‘Policia e Gjeneratës së Re’, Rama u ndal edhe tek akuzat e opozitës.
“Kam ndjekur fushatën elektorale në SHBA dhe bëj krahasimin me këtu. Nuk kam dëgjuar të sulmohet policia atje, as nga absurdi Donald Trump, kurse këtu opozita mezi e pret vrasjen e radhës”, tha ai.
Rama po ashtu tha se sot punonjësit e policisë nuk përdhunohen në telefon nga ministra, deputetë e drejtorë gjatë kryerjes së detyrës.
Top Channel
