Kombëtarja franceze hap dyert për Benzemanë
06/10/2016 00:00
Guardiola: Fëmija i tretë ndoshta e bën Foden të kuptojë, nuk luhet gjithmonë me “marshin e gjashtë” 26/04 23:29
Federata Franceze e Futbollit po mendon t’i japë një tjetër mundësi Benzemasë për të luajtur me skuadrën përfaqësuese. Është vetë presidenti i qeverisë së futbollit transalpin, Noel Le Graet, ai që ia ka hapur dyert e Francës sulmuesit të Realit të Madridit nëpërmjet një interviste të dhënë për të përditshmen “L’Equipe”.
“Benzema mund të grumbullohet në kombëtare. Nuk më pëlqen që t’i ndëshkoj përjetë njerëzit. Hetimet për çështjen ku ai është i përfshirë po vazhdojnë edhe pse unë mendoj se ato po zgjaten pak, por drejtësia është e tillë. Lojtari nuk ka qenë asnjëherë problem për kombëtaren dhe Deschamps e ka mbrojtur gjithmonë dhe kur nuk ka pasur rezultate të larta”, u shpreh ai.
Ndërkaq, trajneri Deschamps përpara dy ditësh bëri një deklaratë që la përshtypjen se ai nuk dëshironte që ta kthente Benzemanë në përfaqësuese.
“Nuk pres asgjë nga Benzema apo futbollistët e tjerë. Përzgjedhjet e lojtarëve nuk i bëj në bazë të asaj që thonë lojtarët në intervista apo të artikujve që shkruhen në gazeta për ta”, u shpreh trajneri i “gjelave”.
Top Channel
