Dorëhiqet Haxhinasto, Qeveria: Nuk është pjesë e ndryshimeve
02/09/2016 11:35
“Meta dhe Kryemadhi mund të arrestohen në çdo çast”, Artan Hoxha: SPAK ka tentuar disa herë për ta bërë bashkëpunëtor… 26/04 20:35
Shtatori ka ardhur me “impulse të reja” për Qeverinë. Mëngjesin e së premtes, ministri i Transporteve, Edmond Haxhinasto i ka dorëzuar dorëheqjen fillimisht kryeministrit Edi Rama në Kryeministri dhe më pas ka informuar për këtë vendim kreun e LSI-së, Ilir Meta, në një takim kokë më kokë në kryesinë e Kuvendit, takim që zgjati vetëm 10 minuta.
Sokol Dervishi e do të jetë pasuesi i Haxhinastos në krye të transporteve, një nga njerëzit më të afërt të Ilir Metës, aktualisht shef i kabinetit të kryetarit të Kuvendit. Prej kohësh Edmond Haxhinasto ka vepruar i pavarur nga partia dhe nuk ka patur marrëdhënie të mira. Megjithatë, të dy palët që iu dorëzua dorëheqja, as kryeministri dhe as LSI nuk shfaqën pakënaqësi ndaj Haxhinastos në komunikimet zyrtare me median dhe zëvëndësimin e tij e justifikuan me angazhim në parti.
“Ministri Haxhinasto i ka paraqitur sot kryeministrit dorëheqjen e tij nga detyra, për shkak të angazhimit të mëtejshëm në parti. Kryeministri e ka falenderuar ministrin e Infrastrukturës e Transporteve për punën e bërë në krye të këtij dikasteri, kontributin e tij aktiv në skuadrën qeveritare dhe bashkëpunimin shumë të mirë me të”, thuhet në komunikatën e Kryeministrisë.
“Edmond Haxhinasto do të angazhohet në programin politik e elektoral të LSI-së, që së afërmi ka Konventën Zgjedhore, ku do të ketë rishikim të programit”, deklaroi Petrit Vasili.
Ky është ministri i dytë që ndryshon LSI në këto 3 vjet bashkëqeverisje me Edi Ramën, pas zëvëndësimit një vit më parë të Nasip Nacos me Ylli Manjanin. Lëvizja e re brenda qeverisë, për llogari të LSI-së, rikonfirmon vazhdimësinë e koalicion qeveritar duke forcuar prezencën e njerzve të besuar të Ilir Metës në kabinet.
Top Channel
