Përplasja, “arrest me burg” vëllezërve Kola; pezullohet efektivi
25/08/2016 00:00
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Gjykata e Lezhës dha këtë të enjte masën e sigurisë për dy vëllezërit që sulmuan policin në Shëngjin fundjavën e kaluar.
Shtetasit Blerti Kola iu dha masa e sigurisë “arrest me burg” në Gjykatën e Lezhës, ndërkohë që të njëjtën masë mori në mungesë edhe vëllai i tij Daniel Kola, i shpallur në kërkim nga policia.
Gjithashtu, Gjykata e Lezhës vendosi pezullimin nga detyra të efektivit të policisë A.B, i cili u përlesh fizikisht me vëllezërit Kola.
Ngjarja ndodhi fundjavën e kaluar në Shëngjin, kur vëllezërit kundërshtuan punonjësin e policisë, me të cilin më pas u përleshën fizikisht.
Në pamjet filmike të marra nga disa biznese, vëllezërit Kola shfaqen teksa godasin efektivin në detyrë, ndërsa ky i fundit përgjigjet në të njejtën mënyrë.
Top Channel
