Kosovë, AAK e Nisma kthehen në Kuvend
08/08/2016 00:00
Bislimi: Serbia kërkon që strukturat ilegale të financohen deri në krijimin e Asociacionit 25/04 18:48
Daut Haradinaj është kthyer në krye të Komisionit për Punët e Brendshme dhe Sigurinë, pas një kohe të gjatë, për shkak se Aleanca për Ardhmërinë e Kosovës kishte vendosur të bojkotonte punët e Parlamentit të Kosovës.
Në mbledhjen e kësaj të hëne të këtij komisioni ka raportuar drejtori i Përgjithshëm i Policisë së Kosovës, Shpend Maxhuni, rreth situatës së sigurisë në Kosovë, të cilën e ka konsideruar si të qetë dhe të qëndrueshme.
Haradinaj ka thënë se e kishin bojkotuar punën për të respektuar vendimin e udhëheqësve partiakë, por tashmë, bashkë me kolegun nga “Nisma për Kosovën”, Zafir Berishën, kanë vendosur të rikthehen.
“Ne e kemi bojkotuar përkohësisht punën e Komisionit, kemi respektuar vendimin e krerëve partiakë. Sot, bashkë me Zafir Berishën kemi vendosur t’i kthehemi punës së komisionit, duke pasur parasysh gjendjen e sigurisë në vend, pasi sot raportoi drejtori i policisë”.
Top Channel
