Monitorimi i plazheve, MT: Në disa zona problem siguria
05/08/2016 00:00
Shkaktoi tragjedinë me 4 viktima dhe dy të plagosur në Tepelenë/ Apeli vendos masën “arrest në burg me afat 20 ditor” për autorin 26/04 17:43
Ministria e Turizmit thotë se nga monitorimi i fundit që i është bërë vijës bregdetare në vend, rezulton se në shumë plazhe nuk plotësohen kushtet e sigurisë.
“Problematika në rastin konkret është mungesa e bovave që kufizojnë hapësirën notuese, bovave ku duhet të qëndrojnë motorët e ujit dhe ku duhet të lëvizin, kullat e vrojtimit dhe rojet bregdetare”, deklaroi Krenar Kalo, drejtor i Turizmit pranë MZHETS.
Kalo thotë se këto problematika janë ngritur në disa takime me përfaqësuesit e pushtetit lokal, që ka detyrë administrimin e plazheve. Por kur jemi në pikun e sezonit turistik, ende ato mbeten të pazgjidhura.
“Zgjidhja duhet të kërkohet tek bashkitë, që kanë edhe të drejtën e mbylljes së pikave të stacionimit të plazheve nëse ato nuk plotësojnë kriteret dhe kushtet e përcaktuara”, vijoi Kalo.
Top Channel
