Britani, Major dhe Blair, së bashku kundër “Brexit”

Sipas BBC, pritet që Major dhe Blair të sugjerojnë se një votë pro largimit nga BE mund të rihapë prirjet e Skocisë për pavarësi dhe të vërë në rrezik të ardhmen e Irlandës së Veriut, duke kërcënuar stabilitetin e saj, të arritur me aq mund.

Sir John pritet të flasë për një “rrezik serioz” nga një referendum tjetër për pavarësinë dhe të nënvizojë se, nëse Skocia e gjen veten jashtë BE-së, rezultati i tij do të jetë shumë ndryshe nga ai i referendumit të vitit 2014.

Major do të argumentojë se votimi për të dalë nga BE-ja rrezikon gjithashtu “destabilizimin e marrëveshjes së komplikuar kushtetuese që ruan stabilitetin në Irlandën e Veriut”, rrezik që ai e ka përshkruar si një “rrezik të frikshëm”.

Në të njëjtat linja pritet të flasë edhe Tony Blair, i cili sipas BBC do të nënvizojë se “Brexit” do të prekte mes të tjerash edhe prosperitetin ekonomik të Irlandës.

“Irlanda e Veriut sot është më e stabilizuar dhe më e zhvilluar se kurrë, stabiliteti i saj mbështetet në themele të ndërtuara me kujdes. Prandaj ne jemi të shqetësuar se perspektiva e “Brexit” mund të vërë në rrezik pikërisht prsoperitetin dhe këto themele”, pritet citohet Blair.

Por sekretarja e Irlandës së Veriut, Theresa Villiers deklaroi se mbështetja për procesin e paqes atje është “solide si shkëmbi” dhe çdo qëndrim për kërcënimin e tij është i papërgjegjshëm.

Top Channel