Sulmohet me vezë Albin Kurti

Në jo pak raste kjo lëvizje ka hedhur vezë në drejtim të godinës së Qeverisë apo qeveritarëve të Kosovës, por këtë herë është e kundërta.

Deputeti i Vetëvendosjes, ish-kryetar i saj, Albin Kurti ka qenë viktimë e një sulmi me vezë nga dy persona.

Kurti është sulmuar me vezë nga dy persona brenda rrethimit të Kuvendit dhe gjithçka është kapur nga kamerat e Kallxo.com.

Menjëherë pas aktit dy personat janë munduar të largohen, por policia e Kosovës ka mundur t’i arrestojë ata, ndërkohë që Vetëvendosje, përmes një komunikate për mediat thotë se dyshon që agresorët janë pjesë e Policisë së Kosovës.

Edhe vetë Albin Kurti ka deklaruar se sulmi ndaj tij ishte i organizuar nga Policia e Kosovës.

“Policia ka lejuar personat në fjalë dhe më pas ka arrestuar njërin prej tyre”, është shprehur Kurti.

Ndërkohë, lidhur me rezolutën e Kuvendit që i kundërvihet vendimit të Serbisë për të dënuar disa ish-eprorë të UÇK-së, Kurti e ka cilësuar falsitet.

“Këta që bëjnë marrëveshje natën me Serbinë, ditën hartojnë rezoluta të gënjshtra”, tha ai.

Top Channel