Francë, masakër në një shkollë hebraike

Viktimat jane nje profesor, dy fëmijët e tij dhe nje tjeter nxenes. Sipas raportimeve të fundit edhe nje i plagosur tjeter eshte ne rrezik per jeten. Atentatori është larguar me shpejtësi me motorr.

Rabini i madh i Frances, Zhil Bernheim u shpreh i shokuar nga ajo qe po ndodh.

Sulmi vjen tre dite pas vrasjes se tre ushtareve te cilet u qelluan për vdekje, në po të njëjtën zonë të Francës. Shume prej banoreve i lidhin vrasjet me njera-tjetren.  Duke iu referuar rrefimeve te para, se arma dhe municionet jane po te njejtet.Gazetari i BBC-se ne Tuluze tha se edhe ushtaret qe u vrane i perkisnin nje grupi etnik dhe duket se atentatori ka vene ne shenjester pakicat qe jetojne ne ate zone.

Ministria e Brendshme franceze ka ngritur gjendjen e alarmit në zonën ku ndodhi ngjarja dhe në zonat e tjera ku ka shkolla hebraike. Ministri i Brendshëm, Claude Gueant që ndodhej në lindje të vendit ka ndërprerë vizitën e tij dhe pritet që të shkojë zonën e nxehtë. Presidenti francez Nicolas Sarkozy ka vendosur të shkojë në Tuluzë gjatë ditës.

Izraeli është shprehur i tmerruar nga kjo masakër dhe kërkoi nga autoritetet franceze që të zbardhin sa më parë ngjarjen dhe të dënojnë autorët.

Masakra në Tuluz, pistë neonaziste

Autori i masakrës përpara shkollës hebraike në Tuluz është i njëjti që ka vrarë tre ushtarët javën e kaluar në të njëjtin qytet dhe një tjetër ushtarak në Montauban.

Kështu thotë prokurori francez që po ndjek çështjen Michel Valet. Sipas elementëve të parë të hetimit, pista më e privilegjuar nga policia është ajo e grupeve neonaziste.

Kjo, pasi në vitin 2008 tre parashutistë të të njëjtit regjiment të ushtarëve të vrarë u përjashtuan pasi ishin anëtarësuar në shoqata naziste. Për rrjedhojë, mund të bëhet fjalë për një hakmarrje ndaj ish-bashkëluftëtarëve.

Krijohet identikiti i vrasësit

Një person muskuloz, me tatuazhe dhe i veshur me të zeza. Është ky identikiti i autorit të masakrës, i krijuar në bazë të dëshmive të mbledhura.

Identikiti në fjalë përputhet me atë të parashutistëve të përjashtuar, që bënin pjesë në të njëjtin regjiment të ushtarakëve të vrarë javën e kaluar. Treguesit në fjalë përforcojnë për rrjedhojë pistën e neonazizmit. 

Top Channel