“Galeria e parë e artit u çel nga një shqiptare”, gazetari për lajmin e eksortave në Dubai: Vajza të famshme pa asnjë profesion që rrinë nga 6 muaj me vizë turistike 25/04 10:21
Analiza gjenetike e Kariotipit është një analizë që kryhet një herë në jetë nga personat me sindromën Down. Ajo shërben si bazë për përfitimin e Kempit. Prej 8 vitesh kjo analizë nuk kryhet në laboratorin e QSUT-së, por në laboratorë privatë për 300 deri 400 mijë lekë të vjetra. Top Channel e solli në vëmendje këtë problematikë që në tetor të vitit të shkuar.
Nga ana e Ministrisë së Shëndetësisë u kthye kjo përgjigje: “Procedurat e prokurimit publik nuk janë realizuar ose kanë dështuar për arsye të ndryshme”.
Me nisjen e vitit të ri 2019 personat me sindromën Down dhe familjet e tyre kanë marrë një lajm shpresëdhënës nga Ministria e Shëndetësisë.
“Përsa i përket rimbursimit nga ana e qeverise të analizës gjenetike të kariotipit për foshnjat e lindura me sindromën Down, Ministria e Shëndetësisë dhe Mbrojtjes Sociale, ka parashikuar ofrimin e këtij shërbimi duke e përfshirë në projekt-buxhetin afatmesëm (PBA) për vitet 2019-2021, duke përllogaritur një mesatare prej 30 rastesh në vit”, tha Emanuela Pepkola, Down Syndome Albania.
Në Shqipëri numërohen rreth 650 individë me sindromën Down. Gati 20 raste diagnostikohen çdo vit.
Xhulieta vjen nga Durrësi. Ajo e sjell Amelin tre herë në javë në qendër.
“Është shumë e rëndësishme për ne prindërit, rimbursimi i kësaj analize të kushtueshme dhe të rëndësishme. Unë personalisht e kam bërë në spital privat për 400 euro”, thotë Xhulieta Konesha.
Në Shqipëri numërohen rreth 650 individë me sindromën Down. Gati 20 raste diagnostikohen çdo vit.
Top Channel
