Pezulloi veten nga detyrat publike për shkak të akuzave ndaj bashkëshortes, Rama i del në krah kryeministrit spanjoll: Mos u dorëzo! 25/04 22:27
Kreu i Kuvendit Gramoz Ruçi ka nisur një vizitë zyrtare në SHBA. Ai u prit në takim nga zv. kryetari i nënkomisionit për Terrorizmin dhe Financimin e Paligjshëm, Robert Pittenger.
“Të dyja vendet tona ndajnë të njëjtat angazhime, të njëjtat vlera dhe pikëpamje, si dhe të njëjtat shqetësime. Shtetet e Bashkuara të Amerikës duan që Shqipëria të jetë një vend i fortë, i sigurt dhe një vend që gëzon paqe e begati. SHBA-të kanë një lidhje të fuqishme me Shqipërinë, dhe ne ju jemi mirënjohës dhe ju falënderojmë për miqësinë që kemi, e cila do të forcohet në vite”, tha Pittinger.
Ai shpreh gatishmërinë për intensifikimin e mëtejshëm të marrëdhënieve ndërmjet dy vendeve.
“Vizioni për një Shqipëri të fortë dhe të besueshme mbështetet mbi partneritetin strategjik me Shtetet e Bashkuara të Amerikës. Ne i jemi gjithmonë mirënjohës SHBA-ve. Shqiptarët nuk e harrojmë kurrë mbështetjen e SHBA-ve për një Kosovë të lirë dhe të pavarur. Shqipëria është sot një vend anëtar aktiv i NATO-s dhe partner i rëndësishëm në luftën kundër terrorizmit falë mbështetjes së SHBA-ve. Reforma në drejtësi, u përgatit dhe u miratua me mbështetjen e SHBA-ve. Ne do të kemi një sistem të besueshëm drejtësie. Miratimi i reformës, garanci e domosdoshme për sipërmarrjet e huaja, duke përfshirë edhe ato amerikane për të investuar në Shqipëri”, është shprehur Ruçi.
Kryetari i Kuvendit shoqërohet nga Taulant Balla, Mimi Kodheli dhe Anastas Angjeli.
Top Channel
