“Zhduken” turistët çekë në Jezercë
07/07/2013 20:10
I dënuar me 10 vite burg në Itali për tentativë vrasje dhe vjedhje me pasoja të rënda, “Shqiponjat” arrestojnë “të fortin” me tre mbiemra! Pritet ekstradimi i tij 26/04 13:42
Një grup turistësh rezultojnë të humbur në majën e Jezercës.
Burime zyrtare nga Policia e Shtetit bëjnë të ditur për Top Channel se, një grup prej 5 personash, turistë çekë, kanë njoftuar në sallën operative të policisë se kanë humbur.
Policia e Shtetit është vënë në lëvizje menjëherë, duke dërguar atje helikopterë, që, pasi kanë kryer disa herë kontrolle në majën e Jezercës, nuk kanë arritur të gjejnë asnjë shenjë të turistëve çekë.
Mësohet se helikopterët i kanë ndërprerë kërkimet për shkak të errësirës dhe pritet t’i rinisin ato në orët e para të mëngjesit.
Ndërkaq, bëhet e ditur se, nga Komisariati i Tropojës, janë nisur forca të shumta policie, për të kryer kërkime në terren, por deri më tani nuk ka asnjë shenjë të turistëve çekë të humbur.
Top Channel
