Meta takim me biznesin e huaj

Ai shtoi se pavarësisht impaktit negativ të krizës nga vendet fqinje, Greqia dhe Italia, ne duhet të jemi vigjilentë për të shfrytëzuar edhe oportunitetet që mund të sjellin investimet e huaja në aktiviteteve të tilla biznesi në vendin tonë.

Kreu i LSI theksoi se, për forcen politike që drejton, punësimi i të rinjve ka qenë dhe mbetet prioriteti kryesor i programit ekonomik.

Meta nënvizoi edhe njëherë se LSI beson se, “Koalicioni për punësimin e qytetarëve” është koalicioni që i duhet Shqipërisë në këto kohë të turbullta, siç e cilësoi ai situatën në vendet fqinje dhe më gjerë në Europë.

Së fundmi, në takimet e tij elektorale, Meta mbështeti propozimin e bërë më herët nga kryeministri Sali Berisha, për uljen e moshës së votimit në 16 vjeç.

“16-vjeçarët e meritojnë të votojnë dhe të marrin përgjegjësitë e tyre. LSI është e para forcë politike që e ka ndryshuar statusin dhe 16-vjeçarët kanë të drejtën e votës”, tha Meta.

Ai u shpreh se, edhe nëse konsensusi për të realizuar këtë ndryshim nuk arrihet përpara këtyre zgjedhjeve, patjetër në të ardhmen 16-vjeçarët do të kenë një rol më të madh se sa e kanë sot.

Kreu i LSI-së theksoi se bashkëpunimi mes forcave politike duhet shtrirë në të gjitha nivelet, me qëllim miratimin e tre ligjeve, por edhe krijimin e një klime pozitive në kuadër të zgjedhjeve elektorale të 23 qershorit.

Top Channel