AKZ në Kavajë: PD shkeli besimin tuaj
17/03/2012 17:45
“Meta dhe Kryemadhi mund të arrestohen në çdo çast”, Artan Hoxha: SPAK ka tentuar disa herë për ta bërë bashkëpunëtor… 26/04 20:35
Aleanca KuqeZi u ndal në qytetin e Kavajës ku prezantoi anëtarët delegatë për këtë qytet. Në takim mori pjesë edhe lideri i AKZ-së, Kreshnik Spahiu.
Gjatë fjalës së rasti, zoti Spahiu u bëri thirrje gjithë qytetarëve të Kavajës t’i bashkohen alternativës politike të AKZ.
“Kavaja ka dhënë shumë për demokracinë, por ka marrë shumë pak prej saj. Kavaja është qyteti që përmbys sistemet politike. Partia Demokratike e rrënoi Kavajën, nga qytet në kooperativë bujqësore. Zbrisni nga ‘Titaniku PD’ sepse po mbytet. Partia Demokratike shkeli besimin tuaj dhe të të gjithë shqiptarëve.Flakni teserat e partive dhe bashkohuni kuqezi”, tha ndër të tjera në fjalën e tij, Spahiu.
Në takimin me qytetarët e kavajas, AKZ promovoi edhe himnin për dëshmorin Indrit Cara nga Kavaja, ushtar i UÇK-së që ra hero në luftë kundër serbëve në vitin 1999.
Top Channel
