Zbulohet padia ndaj Tahirit
15/11/2011 20:00
“Meta dhe Kryemadhi mund të arrestohen në çdo çast”, Artan Hoxha: SPAK ka tentuar disa herë për ta bërë bashkëpunëtor… 26/04 20:35
Zbulohen detajet e aktpadisë që Shkëlzen dhe Argita Berisha, fëmijët e Kryeministrit Sali Berisha kanë depozituar në Gjykatën e Faktit, në Tiranë, ndaj deputetit socialist Saimir Tahiri.
Aktpadija bazohet në një deklaratë e deputetit Tahiri në media, datë 7 tetor 2011, ku deklaroi se “Sali Berisha është i korruptuar, i biri dhe e bija janë të përfshirë në korrupson”.
Paditësit Shkëlzen dhe Argita Berisha kanë ngritur pretendimin e shkaktimit të një dëmi moral që ka shkaktuar turbullimin e padrejtë të gjendjes shpirtërore të tyre, si pasojë e fakteve të paligjshme, deklaratave të pavërteta shpifëse dhe fyese.
Gjithashtu, paditësit thonë se i është shkaktuar edhe një dëm ekzistencial që përbën në cënimin e nderit të personalitetit të tyre, duke cënuar jo vetëm ndienjën që ata kanë për personin e tyre, por duke ndikuar negativisht edhe në opinionin publik e në këtë mënyrë, duke cënuar reputacionin dhe imazhin e tyre.
Për këtë dëm, fëmijët e kryeministrit Berisha, duke u bazuar në tre nene të kodit civil, i kanë kërkuar gjykatës të dëmshpërblehen me nga 4 milion lekë për secilin prej tyre.
Top Channel
