Aldo Bare në Gjykatën e Lartë
27/10/2011 00:00
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Ashtu sic kishte paralajmëruar, avokati mbrojtes i Aldo Bares, i është
drejtuar në mesditë Gjykatës së Lartë për pushimin e cështjes ndaj
kientit të tij për cështje proceduriale, ndërkohë edhe prokuroria për
llogari të saj ka bërë rekurs, duke i kërkuar gjykatës kthimin e
cështjes për rigjykim në Gjykatën e Apelit të Krimeve të Rënda, me një
trupë tjetër gjyqësore.
Hapat e hedhur nga te dyja palet, anulojne keshtu kthimin per rigjykim ne Shkallen e Pare te Krimeve te Renda, të Aldo Bares, procedure qe do te ndiqej ne rast se palet nuk i drejtoheshin Gjykates se Larte.
Burime te sigurta nga Gjykata e Larte shprehen per Top Channel se avokati i Bares,Vladimir Meci e ka mbeshtetur kerkesen per pushimin e gjykimit te disa precedentëve të mëparshëm, kur kjo gjykatë ka pushuar cështjen për arsye afatesh dhe procedurash, sic është ajo e Andi Tomes apo ish-ministrit të Transporteve, Lulzim Basha.
Avokati argumenton se si edhe ne kete vendim qe mban daten 10 prill 2009, edhe ndaj Aldo Bares eshte kryer nje proces i parregullt ligjor nga prokuroria. Sipas avokatit, Bares nuk i është komunikuar akuza ne kohen, qe i ndodhej ne Turqi ne pritje te ekstradimit, si dhe jane kryer veprime pertej afateve hetimore. Sipas dokumentacionit që Top Channel disponon, avokati mbrojtjës ka radhitur edhe shkelje të tjera proceduriale të kryera gjatë gjykimit.
Nderkohe ne kerkesen e tij per rikthimin e gjykimit ne Apel me nje trupe tjeter gjyqesore, prokurori shprehet se ceshtja duhet te gjykohet ne kete shkalle dhe se apeli mund t’i kishte zgjidhur vete problemet qe ka hasur ne vendimin e meparshem te Shkalles se Pare, probleme keto qe ne fakt u bene shkaku i prishjes se vendimit me burg te perjetshem per Aldo Baren. Per keto shkelje Ministria e Drejtesise nisi madje dy inspektore te saj per te verifikuar te gjitha vendimet e Gjykates per ceshtjen Bare, inspektim që ka përfunduar, por që ende nuk ka një konkluzion.
Akuzat ndaj Aldo Bares
Vrasje me paramendim” te shtetasit Masar Aliu
“Vrasje me paramendim” te shtetasit Xhevat Demiri
“Vrasje me paramendim” te shtetasit Nimet Zenelit
“Vrasje me paramendim” te mbetur ne tentative te shtetasit Artur Daja
“Vrasje me paramendim”, te mbetur ne tentative ndaj shtetasve Gramoz Selmani dhe Masar Aliu
“Mbajtje pa leje te armeve luftarake”
“Shkaterrim te prones me zjarr” te baneses se shtetasit Shkelqim Haxhiu
“Krijim te Organizates kriminale”
“Kryerje te veprave penale nga organizata kriminale”
Top Channel
