Sekretari i Pergjithshem i NATO-s, Jaap de Hoop Scheffer, hapi punimet e samitit te Strasburgut duke pershendur anetaret e vjeter dhe te rinj qe i bashkohen aleances.
Duke theksuar se sot eshte 60-vjetori i krijimit te Aleances, Scheffer vleresoi se shpresat e NATO-s jane bere realitet.
“NATO ka kontribuar per nje periudhe te paprecedent paqeje, lulezimi dhe e gjithe kjo eshte prove e asaj qe mund te arrihet nepermjet bashkepunimit tone me nje qellim te perbashket”, u shpreh Scheffer.
Menjehere pas tij e mori fjalen presidenti francez Nicolas Sarkozy, i cili vleresoi se NATO eshte ne sherbim te paqes dhe jo luftes.
“Gjermania dhe Franca se bashku kane vullnetin e paqes dhe ne e tregojme kete”, u shpreh Sarkozy.
Kancelarja gjermane, Angela Merkel, deklaroi se NATO ka nje shans per te bere shume ne te ardhmen dhe se Afganistani eshte nje test. “Strategjia e re per Afganistanin eshte nje prove”, u shpreh Merkel.
Merkel premtoi se Gjermania do te jape kontributin e saj, qofte ne numrin e ushtareve, qofte nepermjet perpjekjeve civile.
Top Channel