Drejt Atletico Madrid-Barcelona, Simeone: Luajmë kundër një skuadre shumë të fortë, ndoshta më të mirës

Skuadra e Los Colchoneros do të kërkojë që të fitojë këtë përballje me kampionët e Spanjës, por për Diego Pablo Simeone, skuadrën e tij e pret një mision shumë i vështirë

‘Do të luajmë ndaj një skuadre shumë të fortë, ndoshta më të mirës, nuk kam asnjë dyshim dhe që ka shumë talente në mesfushë dhe në sulm-tha Simeone-si gjithmonë ndaj Barcelonës do të jetë një ndeshje shumë e vështirë dhe do të duhet të sulmojmë aty ku besojmë se mund të shkaktojmë më shumë dëme’

Simeone më pas nuk i kurseu elozhet për Raphinhan teksa u pyet nëse braziliani ishte kërcënimi më i madh për skuadrën e tij

‘Po e them edhe njëherë, siç e kam thënë edhe sezonin e kaluar disa herë; për mendimin timë është një futbollist i jashtëzakonshëm që  punon, ka shpejtësinë, aftësinë për të shënuar dhe dhënë asiste-tha Simeone-e vërteta është se sezonin e kaluar ishte i jashtëzakonshëm dhe këtë aktual e ka nisur në mënyrë të shkëlqyer duke luajtur në një tjetër pozicion dhe po bën shumë mirë duke i dhënë shumë alternativa dhe opsione të tjera taktike’.

Top Channel