Arsenal kthehet të kryesojë i vetëm klasifikimin e Premier League. Skuadra e Mikel Artetës përfitoi nga hapi fals i Manchester City dhe mposhti Liverpool në Anfield për të parakaluar Citizens.
Topçinjtë e nisën me shumë vrull ndeshjen dhe në minutën e 16 zhbllokuan rezultatin me golin e Kai Havertz pas një asisti të Declan Rice. Liverpooli tentoi me të gjitha mënyrat për të barazuar dhe e spostoi inercinë e ndeshjës në anën e tij. Pak minuta para mbylljes së pjesës së parë skuadra e The Reds pati shansin më të mirë për të shënuar me Wirtz me goditje dënimi, por gjuajtja e tij u përplas në tramversë.
Edhe pas pushimit të ndeshjes, ishte skuadra e Iraolës që u shfaq më kërkuese, por me kalimin e minutave, futbollistët e Liverpool filluan të ndjenin lodhjen, ndërsa Arsenali po menaxhonte avantazhin e krijuar. Në minutën e 77, Liverpool pati një mundësi mjaft të mirë me Araujo, por gjuajtja e uruguajanit u bllokua. Po kështu tentuan edhe Ngumoha e Barcola në minutat shtesë, por në fund ndeshja u mbyll me fitoren 1-0 të Arsenalit që shkon në kuotën e 24 pikëve me 8 fitore dhe 1 humbje deri tani në kampionat, ndërsa Liverpool mbetet me 15 pikë në vendin e pestë vetëm 1 pikë larg zonës Champions me Chelsea që është në vendin e katërt me 16 pikë.
Top Channel
