Aktorja e njohur e Hollywood-it, Sydney Sweeney, ka hyrë në botën e teknologjisë financiare duke marrë një pjesë aksionesh në platformën e parashikimeve sportive Novig.
Ylli 28-vjeçar nuk ka zgjedhur një marrëveshje tradicionale reklamuese me pagesë, por ka siguruar një pozicion pronësie në kompani, duke u bërë njëkohësisht edhe bashkëpunëtore krijuese e saj.
Partneriteti vjen në prag të nisjes së sezonit 2026 të Ligës Kombëtare të Futbollit Amerikan (NFL), me Novig që ka lançuar një fushatë të re kombëtare publicitare.
Reklama e re e Novig ka tërhequr vëmendje për qasjen e saj provokuese dhe për mënyrën jokonvencionale të promovimit.
Sydney Sweeney shfaqet e zhveshur, ku synon të krijojë reagim te publiku dhe të nxisë diskutimin rreth platformës, duke e pozicionuar Novig si një markë që kërkon të dallojë në një treg shumë konkurrues të parashikimeve sportive.
Sipas drejtuesve të kompanisë, Sweeney iu afrua vetë bashkëthemeluesit dhe shefit ekzekutiv të Novig, Jacob Fortinsky, me synimin për të qenë pjesë e biznesit dhe jo thjesht fytyra e një reklame.
Top Channel
