Sërish spektakël nga Barcelona, katalanasit i japin “shuplakë” Valencias dhe kryesojnë të vetëm La Ligën

Katalanasit e zhbllokuan takimin që në minutën e 6-të. Lamine Yamal mori një top nga Fermín López dhe me një prekje të bukur me të majtën kaloi Barcelonën në avantazh.

Në minutën e 22-të ishte radha e Fermín López, i cili dyfishoi shifrat me një goditje të fuqishme.

Barcelona vazhdoi të kontrollonte lojën dhe të krijonte raste, ndërsa Valencia e kishte të vështirë të reagonte. Në pjesën e parë, vendasit patën shumë pak mundësi për të shqetësuar portierin Joan García.

Pas pushimit, Barça e vazhdoi dominimin. Në minutën e 50-të, Raphinha shënoi golin e tretë pas një aksioni të shpejtë të miqve.

Barcelona vijoi të kontrollonte ritmin edhe pas zëvendësimeve të Flick. Në minutën e 78-të, Pedri realizoi golin e katërt, ndërsa rezultati përfundimtar u vendos nga Lamine Yamal në minutën e 84-t.

Fitorja e çon Barcelonën në krye të renditjes së La Liga-s, tashmë e shkëputur nga rivalët në garën për kreun.

Një nga pikat kryesore të ndeshjes ishte edhe aktivizimi nga minuta e parë i Pedrit dhe Rodrit së bashku, në ndeshjen e fundit përpara debutimit të Barcelonës në Champions League.

Për Valencian, humbja e thellë vjen në një moment të vështirë, me skuadrën që vazhdon të përballet me një situatë të tensionuar sportive dhe me pakënaqësi të tifozëve ndaj ekipit dhe drejtuesve.

Top Channel