Përmbytjet në Nepal/ Rritet bilanci i viktimave, 477 të vdekur dhe rreth 1 mijë persona rezultojnë të zhdukur 28/08 09:37
Skema e ngjyrave
Madhësia e shkrimit
Një shtetas franko-kolumbian, pjesëtar i Legjionit të Huaj Francez, është rrëmbyer në fillim të gushtit në një zonë të Kolumbisë që kontrollohet nga grupe rebele, njoftuan të enjten Forcat e Armatosura të vendit.
José Olger Melo Chari u rrëmbye më 6 gusht, teksa po udhëtonte në këmbë në një rrugë në departamentin e Nariños, në jugperëndim të Kolumbisë. Sipas një raporti të brendshëm ushtarak kolumbian, të siguruar nga AFP, pas rrëmbimit dyshohet se qëndrojnë disidentë të ish-FARC-ut.
Bëhet fjalë për anëtarë të ish-Forcave të Armatosura Revolucionare të Kolumbisë që refuzuan marrëveshjen e paqes të vitit 2016 me qeverinë kolumbiane, e cila çoi në çarmatimin dhe shpërbërjen e organizatës.
Sipas raportit, rebelët e kuptuan se Melo Chari ishte pjesëtar i Legjionit të Huaj Francez dhe më pas e morën peng.
Melo Chari, një kaporal që ka shërbyer për katër vjet në Legjionin e Huaj Francez, ndodhej në Kolumbi me leje dhe kishte udhëtuar për të vizituar vendin e tij të origjinës. Këtë e konfirmoi koloneli Mauricio Osorio në një intervistë për radion Blu.
Rrëmbimi i atribuohet një fraksioni disident të ish-FARC-ut të udhëhequr nga Iván Mordisco, një prej figurave më të kërkuara të Kolumbisë.
Grupet e armatosura që veprojnë në Kolumbi, shumë prej të cilave janë të përfshira në trafikun e drogës dhe aktivitetet e paligjshme të minierave, kryejnë shpesh rrëmbime për të kërkuar shpërblime ose për të ushtruar presion ndaj autoriteteve.
Presidenti i ri i Kolumbisë, Abelardo de la Esperanza, i cili i përket së djathtës ekstreme, ka premtuar që prej marrjes së detyrës në fillim të muajit se do të ndjekë një politikë të ashpër ndaj grupeve guerile dhe trafikantëve të drogës, me mbështetjen e Shteteve të Bashkuara.
Paraardhësi i tij socialdemokrat, Gustavo Petro, vetë një ish-anëtar i një organizate guerile tashmë të shpërbërë, dështoi në pjesën më të madhe të përpjekjeve për të arritur paqe përmes negociatave me grupet e armatosura.
Sipas ekspertëve, këto fraksione u forcuan gjatë mandatit të Petros, ndërsa dhuna dhe aktivitetet kriminale vijuan të përbënin një sfidë të rëndësishme për autoritetet kolumbiane.
Top Channel
