Lionel Messi nuk arriti të lërë gjurmë në finalen e Kupës së Botës 2026, ku Argjentina u mposht 1-0 nga Spanja pas kohës shtesë.
Kapiteni argjentinas u vlerësua me notën 7.2 nga platforma e specializuar Sofascore, në një ndeshje ku nuk pati ndikimin e zakonshëm në fazën sulmuese.
Sipas statistikave, Messi e mbylli finalen pa shënuar gol, ndërsa regjistroi një Expected Goals (xG) prej vetëm 0.03, një tregues që pasqyron mungesën e rasteve të pastra për shënim.
Ylli 39-vjeçar provoi vetëm një gjuajtje gjatë gjithë ndeshjes, e cila u bllokua nga mbrojtja spanjolle. Ai nuk arriti të regjistrojë asnjë goditje në kuadrat, duke u neutralizuar pothuajse plotësisht nga organizimi mbrojtës i “La Roja”.
Statistikat e Lionel Messit në finale:
Nota Sofascore: 7.2
Gola: 0
Expected Goals (xG): 0.03
Gjuajtje totale: 1
Gjuajtje në kuadrat: 0
Gjuajtje të bllokuara: 1
Pavarësisht pritshmërive të mëdha, Messi nuk arriti të udhëhiqte Argjentinën drejt mbrojtjes së titullit botëror. Spanja dominoi pjesën më të madhe të finales dhe e zgjidhi sfidën në minutën e 106-të me golin e Ferran Torres, duke u shpallur kampione e botës.
Top Channel
