Roberto Martinez nuk do të jetë më trajneri i kombëtares së Portugalisë. Tekniku spanjoll ka mbyllur aventurën në stolin e “Seleçaos” pas eliminimit nga Kupa e Botës, ku Portugalia u mposht 1-0 nga Spanja në fazën e 1/8-ve.
Vendimi u bë zyrtar edhe nga Federata Portugeze e Futbollit, e cila njoftoi përfundimin e bashkëpunimit me Martinez dhe e falënderoi për punën e bërë gjatë periudhës së tij në drejtimin e ekipit kombëtar.
Pas sfidës ndaj Spanjës, Martinez kishte deklaruar se kontrata e tij kishte përfunduar dhe se ishte momenti për një kapitull të ri. Ai e cilësoi eliminimin nga Botërori si fundin e një cikli, duke pranuar se objektivi i tij kryesor ishte ta udhëhiqte Portugalinë drejt suksesit në turneun më të rëndësishëm të futbollit.
Obrigado, Roberto Martínez. pic.twitter.com/t3U0WN4ljt
— Portugal (@selecaoportugal) July 8, 2026
Martinez mori drejtimin e Portugalisë në janar të vitit 2023. Gjatë kësaj periudhe ai siguroi një fushatë të suksesshme kualifikuese dhe arriti të fitojë Ligën e Kombeve të UEFA-s në vitin 2025, por aventura në Kupën e Botës përfundoi më herët nga sa pritej.
Tashmë Federata Portugeze ka nisur procesin për gjetjen e pasuesit të tij. Mediat ndërkombëtare raportojnë se një nga emrat që po shqyrtohet për pankinën e Portugalisë është trajneri veteran portugez Jorge Jesus.
Top Channel
