Trump afrohet me Erdogan, presidenti amerikan do jetë në samitin e NATO: Shkoj në Ankara vetëm prej tij 25/06 12:32
Skema e ngjyrave
Madhësia e shkrimit
Kryeministri Edi Rama ka reaguar sërish me anë të një postimi në rrjetet sociale sa i përket protestave në Tiranë.
Në foton e postuar, ku ndodhet një protestuese e besimit mysliman, Rama shkruan se ajo është Ikballe Hudutit me ish-presidentin iranian, Ahmedinegjadi.
Ai gjithashtu shtoi se në foto është “motra” e gjeneralit të Teheranit, Kasem Sulejmani, i vrarë në luftën me SHBA-në.
“Mos u merr me protestuesit…
Jo, asnjëherë me protestuesit, po me përfituesit patjetër
Përfitues të turlillojshëm, shqiptarë pa din e as iman, shpirtra të korruptuar nga motive të dobëta, patriotë të shtirur, aktivistë të shtirur, besimtarë të shtirur, që në teatrin e maskave të bulevardit i ka nxjerrë paraja e huaj, këneta e vendit apo të dyja bashkë, e kthyen protestën e nisur për natyrën në një ujdhesë zvarranikësh që lëvrijnë mes të rejave e të rinjve të mbetur, duke i lëpirë e pickuar njëkohësisht dhe duke shpërndarë në çdo drejtim helmin e një urrejtjeje ndotëse për Shqipërinë.
Shikojini vetë dy fotot. Është i njëjti personazh i ardhur me karvanin e “diasporës” së shtirur, që në emër të Allahut predikon urrejtje, thërret për kryengritje ndaj qeverisë së Shqipërisë, kërkon hakmarrje ndaj Amerikës për vëllaun e vrarë, kasapin e regjimit të Teheranit, gjeneralin famëkeq Kasem Sulejmani. Dhe po, personazhi në krah të saj është Ahmedinegjadi dora vetë, kryeshërbëtori famëkeq i ajatollahëve të errësirës”, shkruan Rama.
Top Channel
