Sulmuesi belg Jeremy Doku është rikthyer në Seattle, SHBA, për t’iu bashkuar përfaqësueses së Belgjikës përpara ndeshjes vendimtare të fazës së grupeve në Kupën e Botës ndaj Zelandës së Re.
Lojtari i Manchester City kishte udhëtuar më herët drejt Evropës për të qenë pranë familjes në lindjen e djalit të tij, duke munguar në ndeshjen e dytë të “Djajve të Kuq” kundër Iranit.
Shoqata belge e futbollit e përshkroi rikthimin e tij si “asistin më të rëndësishëm të jetës së tij”, duke publikuar edhe imazhe ku Doku shihet duke përqafuar shokët e ekipit dhe stafin teknik të drejtuar nga trajneri Rudi Garcia.
Sulmuesi pritet të jetë i gatshëm për sfidën e radhës, e cila është vendimtare për fatin e Belgjikës në grup.
Top Channel
