Spanja ka marrë tre pikët e para në Botëror, duke mundur me rezultatin 4-0 Arabinë Saudite.
Sfida e luajtur në Atlanta nisi me një ritëm të lartë nga kampionët e Europës, të cilët kaluan në avantazh që në minutën e 10’ me yllin e tyre, Lamine Yamal.
Më pas, ishte Oyarzabal që shënoi dy herë brenda tre minutave (21’, 23’), duke hedhur KO sauditët që në pjesën e parë.
Në startin e pjesës së dytë, ishte Cucurella që shënoi dhe golin e katërt, duke siguruar përfundimisht tre pikët e para të “La Roja”-s.
Në fund shënoi edhe Ferran Torres, por goli u anulua për një pozicion të parregullt të sulmuesit të Barcelonës.
Me këtë fitore, Spanja merr kreun e Grupit H me katër pikë dhe hedh një hap të rëndësishëm drejt kualifikimit.
Rezultati:
Spanjë 4-0 Arabia Saudite
Yamal 10′, Oyarzabal 21′, 24′, Cucurella 49′
Ngjarjet Kryesore:
90+8′ Mbyllet sfida me fitoren 4-0 të Spanjës!
90+2′ Ferran Torres shtyn topin drejt rrjetës, por goli anulohet për pozicion të parregullt.
90′ Akorodhen 6 minuta shtesë.
49′ Goool Spanja 4-0/ Cucurella provon me një gjuajtje fluturimthi brenda zonës dhe ndëshkon portierin Al Owais. (Video)
46′ Nis pjesa e dytë!
45+5′ Mbyllet pjesa e parë!
45′ Akordohen 5 minuta shtesë.
24′ Goool Spanja 3-0/ Pas një topi në zonë, Oyarzabal e shtyn drejt rrjetës, duke shënuar të dytin personal dhe të tretin për “La Rojan”. (Video)
21′ Goool Spanja 2-0/ Oyarzabal gjen një top në zonë dhe godet duke tundur rrjetën. (Video)
10′ Goool Spanja 1-0/ Oyarzabal hedh një top në zonë dhe Yamal e shtyn drejt rrjetës. (Video)
1′ Nis sfida!
Formacionet Zyrtare:
Top Channel
