Mesfushori i Spanjës, Rodri, ka reaguar pas barazimit pa gola ndaj Kepit të Gjelbër, duke pranuar se rezultati ishte zhgënjyes për kampionët në fuqi të Evropës.
“Nuk duhej të kishte ndodhur kështu,” u shpreh 29-vjeçari për FIFA-n, duke theksuar se skuadra kishte pritshmëri të qarta për fitore.
“E dinim se do të na duhej durim, por thjesht nuk arritëm të shënojmë. Të luash kundër një skuadre kaq fizike dhe të organizuar në mbrojtje është gjithmonë e vështirë,” shtoi ai.
Rodri vlerësoi gjithashtu aspektin defensiv të kundërshtarëve, duke theksuar se Kepi i Gjelbër nuk krijoi shumë raste në sulm, por theksoi se Spanja duhet të ishte më efikase në finalizim.
“Kur përballesh me skuadra të tilla, duhet të shfrytëzosh rastet që krijon,” përfundoi mesfushori spanjoll.
Top Channel
