Një influencues brazilian, i njohur në rrjetet sociale për ngjashmërinë e tij të jashtëzakonshme me Neymar, ka shkaktuar skena kaotike në një qendër tregtare në Shtetet e Bashkuara, pasi dhjetëra tifozë besuan se po takonin yllin e futbollit.
Bëhet fjalë për Eigon Oliver, i cili ndodhet në SHBA për të ndjekur ndeshjet e Botërorit 2026. I veshur me fanellën e Brazilit dhe me një pamje pothuajse identike me atë të Neymarit, ai tërhoqi menjëherë vëmendjen e vizitorëve në qendrën tregtare.
Sipas videove që po qarkullojnë në rrjetet sociale, qindra persona nisën ta ndiqnin nëpër korridore për të bërë fotografi, selfie dhe për të kërkuar autografe, të bindur se kishin përballë një nga futbollistët më të njohur në botë.
CONFUSÃO POR “NEYMAR” EM SHOPPING! 🤣
O sósia do Neymar foi a um shopping nos Estados Unidos e arrastou uma multidão com ele, causando uma pequena confusão! Confundiu aí, torcedor? 😅
*Contém legenda automática#ViveNaGente #Neymar #Sosia #EstadosUnidos pic.twitter.com/F5S9EP0Eg0
— sportv (@sportv) June 12, 2026
Pamjet tregojnë turma të mëdha njerëzish që vrapojnë pas influencuesit, duke krijuar momente konfuzioni dhe rrëmujë. Situata u bë aq e tensionuar sa ndërhyrja e personelit të sigurisë u konsiderua e nevojshme për ta shoqëruar Oliverin jashtë ambienteve të qendrës tregtare dhe për të shmangur incidente të tjera.
Nuk është hera e parë që braziliani përballet me situata të tilla. Falë ngjashmërisë së tij të habitshme me Neymarin, ai është bërë i famshëm në rrjetet sociale dhe ka tërhequr vazhdimisht vëmendjen e tifozëve në paraqitjet e tij publike.
Top Channel
